"حزب العاطلين هنبقي أكبر حزب في البلد.. 3 مليون عاطل.. لو دخلنا المجلس هنبقي أغلبية..
وأنت برنامجك ايه.. ؟؟
سؤال وجيه من إنسان تافه.. إنما هنرد عليه.. هيعمل إيه شباب غلبان مش لاقي فرص عمل.. يموت.. !!
وعلي رأي المثل.. يا جارية أطبخي.. يا سيدي كلف.. وإحنا ولاد الجارية.. وهما يا أسيادنا.. يصرفوا علينا بقي.. طيب يشوفوا لما ربنا يكرمنا ونخش المجلس.. يشوفوا هنحكم أزاي..
هيجي واحد ويلسن ويميل علي اللى جنبه ويقول له ده عمل حزب عشان ابنه العاطل.. لا يا بو لسان طويل.. لا يا بو لسان طويل.. مبنعملش أحزاب عشان مصالح شخصية.."
ده أحد المقاطع من فيلم "معلش احنا بنتبهدل" بتاع أحمد آدم.. وهو نفس ذات الفيلم إللي غني فيه أغنية يا برادعي براحة عليا المانجه مهياش نووية.. لكن مش ده موضوعنا في الكلمتين دول..
أنا بهدي المقطع ده لـ "الحزب الوطني 2012" حزب "الحرية والعدالة".. ومعاه حبة أسئلة كدة علي الماشي..
إيه برنامجكوا بخصوص الاقتصاد والفقر والعدالة الاجتماعية.. رغم أنه سؤال كان المفروض يتجاوب عليه من زمان.. لكن يمكن محدش تافه سأله عشان تجاوبوا عليه.. لكن أديني سألت..؟
دلوقتي الجارية ربنا كرمها وبقي عندها أكتر من 3 مليون عاطل هتعملوا ايه معانا.. يا أسيادنا..؟
في واحد أتنين تلاتة عشرة بيلسنوا وبيميلوا علي اللى جنبهم وبيقولوا إن الحزب ده مصالحه شخصية.. ايه تعليقكوا خاصة بعد موافقة مجلس شورى جماعة الإخوان المسلمون، بالإجماع على تفويض مكتب الإرشاد بالتشاور مع حزب الحرية والعدالة، في اتخاذ ما يراه مناسبا بخصوص المرحلة الانتقالية بالنسبة لمجلس الشعب والحكومة.. وده المفروض لحزب لا يتبع مكتب الإرشاد زي ما قلتوا الأول..؟
وده اللي خلاني أفتكر الأزمة الخطيرة اللي وقعت بين انجلترا وبريطانيا واضطرت المملكة المتحدة تدخل عشان تحتوي الأزمة وتقول كلنا واحد يا جماعة.. وافتكر الأغنية العظيمة أنا مش عارفني..
عامة شكراً لو مفيش إجابات.. بس لو كدة ممكن تعملوا لنا حزب "العاطلين" ويبقي حزب موازي للحزب الحاكم.. وتدخلونا المجلس وتشوفوا هنحكم أزاي.. جربونا يعني
ك. ك
17 – 1 – 2012
3alyaaaa 2nty dma3`k 3alyaaa ya karoooo w yaslaam lw t2olelhom y3mlolnaaaa 7ezb el3oshaaa2 :D:D
ردحذفkalaaam gamd 25waaan :D
انا دلوقتي عرفت ان مش جوكسي بس اللي دماغة واقف لا دا انتي كمان يا سوكا
ردحذفعلي العموم لو انتي متعرفيش وبتخبطي وخلاص مع احترامي ليكي وبدون ما جوكسا تقولك اصلة اخواني وميولة اخوانية .. الا اني في النهاية هقولك انتي غلط ويمكن مش فاهمة اوي الاوضاع السياسية كويس ولا انا علشان متقوليش عليا ابو العريف ..
- لكن مين في القوة السياسية يقدر يتحمل المسئولية ردي في نفسك وبصدق
- الكتلة مثلا بمانكم كنتم عاوزينها نفترض انها اخدت الاغلبية دا كانت هتكون مقالتك
- فلنفرض ان الاخوان غلط ومزوريت وعملو الللالي علشان يدخلو المجلس بس في النهاية ناجحين
- فرق تاني فشلت في كدا لانها مقدرتش تقنع الناس بيها طول السنوات الماضية والدليل حزب النور السلفي اللي اخد منهم المقاعد بدون ارهاق
- اوعي تقول الشارع كلة اسلامي لا انتي وانا فاهمين ان الاسلاميين بالاسم فقط والدليل القساد المنتشر الفترة دي في بلد اسلامية.
- مثال الوفد في اعلانة بيقول انة هيغير بجد في 36 شهر فقط . واول ما مسك واحد منهم عملنا انقلاب في البلد والناس رد فعلها كان قوي وانتي فاكرة الاحداص
- لية لو انا عندي فكرة كويسة واقدر فعلا احقق رقي للبلد دي مساعدش الفريق الناجح لية واقف جنبة علشان اقدر احقق احلام الشعب المصري ولا انا لازم اكون في الصورة
كنت اتمني انك انتي تكوني اكثر حكمة من كدا وبدل ما نهاجم نساعد ونمد ادينا ولو فشلو هنغيرهم ونغير غيرهم كمان بس اوعي تنسي البلد وتنتقدي اشخاص وبس
انا مصري
ميرسي يا سامي.. وبعدين حزب العشاق ايه بس هي البلد ناقصه سهتنة وناس نعسانة علي نفسها ههههههههههههههههههههه
ردحذفخلينا نشوف اكل عيشنا الاول
يا لودي.. علي فكرة النقد حاجة مش وحشة.. وكل شي وكل شخص وكل حزب وكل كيان قابل للنقد دون أن يزعل اى حد.. لكن فكرة أن حزب الحرية والعدالة ميقبلش النقد دي بالظبط زى الحزب الوطني لكن الفرق أن الوطنى كان بيسيب الناس تتكلم وميشوفش شكوي الناس دي او النقد ده وراه مشكلة حقيقية ولا لأ.. لكن الحرية والعدالة بيهاجم اللى ينقده..
ردحذفلو انت قريت التدوينة صح يا لودي مكنتش هتقول كدة.. لأن اللقطة اللى في الفيلم ده كانت معمولة للحزب الوطني لكن محدش التفت برضو.. فانا اخدتها كتذكرة للحزب الحاكم الجديد وبسألهم هل هتسيبوا الناس عاطلين ويتكلموا ويبحوا في صوتهم ومحدش يعبرهم..
وعشان تعرف رأي كويس أنا شايفة أن الاخوان هم الكتلة المنظمة الوحيدة في مصر.. وانهم فعلا اللى يقدروا يعملوا حاجة.. بس حتى الان الحاجة دي مجهولة.. ولو انت قريت التدوينات بتاعتي هتعرف انى هاجمت الليبراليين والبرادعي ومناضلي تويتر والفيس بوك بتوع الكلام وخلاص..