لم يمر علي ثورة 25 يناير أيام وخاصة بعد رحيل المخلوع.. إلا ولقينا الأصوات بتنادي بحشد الشباب المصري وقوات الجيش عشان يروحوا يحرروا غزة من الاحتلال الإسرائيلي.. والأدهى والأذكى أن في مسيرات نزلت عشان تنادي بحرية غزة.. وبتندد بتقاعس المصريين في الدفاع عن القضية والدخول في حرب مع إسرائيل.. وأن مصر لسه وحشة كخة زي ما كانت أيام المخلوع عشان مفتحتش النار من سيناء _أكنها بترش مية_ علي إسرائيل وأبادتها من علي وجه الكرة الأرضية..
كل ده والثورة المصرية لسه بتقول يا هادي يارب.. وطبعا مكنش لسه حصلت البلاوي بتاعت حرق الكنايس والفتن الطائفية إللي ولعت في البلد ولسه بإذن المولي عز وجل هتولع تاني طول ما سياسة البوسة تحل كل حاجة شغالة.. المهم أن كمان المطالب بتحرير غزة كانت برضو قبل ما مصر تضرب تفليسه.. وأزمة البنزين تظهر وتلعلع.. مهو أحنا البلد الوحيدة إللي بتولع من غير وقود.. وحرب المحافظات إللي شبه حرب العصابات والمكسيك وشيكاغو من حيث وجود رهاين وترسانات عسكرية.. وأخيراً وليس أخرا ميناء دمياط يتقفل.. والبضايع تتحجز جوة.. يعني مصر وقتها كانت لسه فيها النفس..
لكن بقي إللي يشل وينقط هي المطالب إللي بعض الفئات نازلة انهاردة الجمعة 18 نوفمبر عشان تطالب بيها.. ومصر خلاص تقريباً كدة في مرحلة النزاع الأخير في أوضة الإنعاش.. لأن الورثة عمالين يقسموها ويقطعوا فيها اكنها خلاص في ثلاجة المشرحة.. ومحدش يقولي متشائمة.. المهم خليني عزيزى القارئ أعرض عليك جزء من منشور كان بيتوزع أمبارح الخميس في ميدان التحرير والناس نازلة بالعفش والخيام عشان تنصبها فى الكرنفال..
"يعلن (اتحاد قوة ثورة مصر) و (اتحاد المستقلين من اجل مصر) تضامنهم الكامل مع الجبهة الشعبية لاستعادة أم الرشراش المصرية المحتلة (ايلات)...
وسوف ينعقد مؤتمر في سيد ميادين العالم (التحرير) الساعة السادسة مساء يوم الخميس الموافق 17 / 11 / 2011 تحت رعاية إتحاد المستقلين من أجل مصر واتحاد قوة ثورة مصر وأعضاء جبهة استعادة (أم الرشراش) وهذا المؤتمر الثاني بع انعقاد المؤتمر الأول الذي انعقد في 9 / 9 / 1999 بفندق شيبرد"
الله أكبر وتبا للخونة والعملاء
علي فكرة مش انا إللي كاتبة "تباً" دي.. هذه نقلاً عن البيان..
نرجع للمنشور تاني.. هي مش لامؤاخذه أم الرشراش دي إللي بين قوسين ايلات _بتاعت فيلم الضفادع البشرية وصوباع المتفجرات إللي نبيل الحلفاوي وسعه بالمبرد_ مش برضو تحت الإحتلال الإسرائيلي.. يعني جيش وجنود وسلاح وبلاوي زرقاء.. ومعني تحريرها اننا نشتبك في حرب.. لأن أكيد مش هنروح لإسرائيل نقولها ممكن يا سوسو تدينا إيلات.. فهي تقولنا خدي يا مي مي "دلع مصر يعني" إيلات وفوقيها بوسة.. طيب مش الأول نحرر مصر من البلطجية إللي أحتلوها ومحدش عارف يصد قدامهم.. او محدش عايز يصدهم.. مهو مبقاش في حاجة مفهومة في البلد دي..
حد هيقولي البلطجية دول صناعة جهاز الشرطة.. وحاليا بيلعبوا ناشئين تحت السن في فريق القوات المسلحة.. طيب يعني كدة هنسكت ونسيبهم عشان بيلعبوا بفانلة العسكري.. طيب ما بالأولي نحشد المصريين عشان يحاربوا الغزاة في الداخل إللي بيشيعوا فساد وخوف وجريمة في 29 محافظة بدل ما نفكر في ميناء أو بقعة مع كامل احترامي لمصريتها لكن مش وقتها خالص.. في مثل واحد في بالي بيوصف حالنا دلوقتي لكن مش هينفع أكتبه..
للأسف وبكل حزن مع كل مليونية جديدة ومطالب من عينه أم الرشراش دي بحس أني بسمع هتاف واحد "طُز فيكي بقي يا مصر".. مطالب بتوريط مصر في حرب في الوقت الحالي وأحنا مش قادرين نحارب البلطجة وانهيار البورصة والفتنة الطائفية والجوع واختفاء البنزين وضياع السياحة وفقدان عشرات الآلاف لوظائفهم وغيرها وغيرها من الحروب الأكثر خطورة وأهمية.. وتحتاج لحشد المصريين لمحاربتها.. مش بتدل غير علي حاجة واحدة وهي أن التخلف وعدم القدرة علي تقييم الأمور وتحديد الأولويات وغيرها من الآفات هي من تحتل فكر شرائح كبيرة من الشعب المصري.. هل أصبحت أم الرشراش الآن أهم من رغيف العيش.. متى يتحرر الشعب المصري حقاً..!!!
ك. ك
18 – 11 - 2011
كل ده والثورة المصرية لسه بتقول يا هادي يارب.. وطبعا مكنش لسه حصلت البلاوي بتاعت حرق الكنايس والفتن الطائفية إللي ولعت في البلد ولسه بإذن المولي عز وجل هتولع تاني طول ما سياسة البوسة تحل كل حاجة شغالة.. المهم أن كمان المطالب بتحرير غزة كانت برضو قبل ما مصر تضرب تفليسه.. وأزمة البنزين تظهر وتلعلع.. مهو أحنا البلد الوحيدة إللي بتولع من غير وقود.. وحرب المحافظات إللي شبه حرب العصابات والمكسيك وشيكاغو من حيث وجود رهاين وترسانات عسكرية.. وأخيراً وليس أخرا ميناء دمياط يتقفل.. والبضايع تتحجز جوة.. يعني مصر وقتها كانت لسه فيها النفس..
لكن بقي إللي يشل وينقط هي المطالب إللي بعض الفئات نازلة انهاردة الجمعة 18 نوفمبر عشان تطالب بيها.. ومصر خلاص تقريباً كدة في مرحلة النزاع الأخير في أوضة الإنعاش.. لأن الورثة عمالين يقسموها ويقطعوا فيها اكنها خلاص في ثلاجة المشرحة.. ومحدش يقولي متشائمة.. المهم خليني عزيزى القارئ أعرض عليك جزء من منشور كان بيتوزع أمبارح الخميس في ميدان التحرير والناس نازلة بالعفش والخيام عشان تنصبها فى الكرنفال..
"يعلن (اتحاد قوة ثورة مصر) و (اتحاد المستقلين من اجل مصر) تضامنهم الكامل مع الجبهة الشعبية لاستعادة أم الرشراش المصرية المحتلة (ايلات)...
وسوف ينعقد مؤتمر في سيد ميادين العالم (التحرير) الساعة السادسة مساء يوم الخميس الموافق 17 / 11 / 2011 تحت رعاية إتحاد المستقلين من أجل مصر واتحاد قوة ثورة مصر وأعضاء جبهة استعادة (أم الرشراش) وهذا المؤتمر الثاني بع انعقاد المؤتمر الأول الذي انعقد في 9 / 9 / 1999 بفندق شيبرد"
الله أكبر وتبا للخونة والعملاء
علي فكرة مش انا إللي كاتبة "تباً" دي.. هذه نقلاً عن البيان..
نرجع للمنشور تاني.. هي مش لامؤاخذه أم الرشراش دي إللي بين قوسين ايلات _بتاعت فيلم الضفادع البشرية وصوباع المتفجرات إللي نبيل الحلفاوي وسعه بالمبرد_ مش برضو تحت الإحتلال الإسرائيلي.. يعني جيش وجنود وسلاح وبلاوي زرقاء.. ومعني تحريرها اننا نشتبك في حرب.. لأن أكيد مش هنروح لإسرائيل نقولها ممكن يا سوسو تدينا إيلات.. فهي تقولنا خدي يا مي مي "دلع مصر يعني" إيلات وفوقيها بوسة.. طيب مش الأول نحرر مصر من البلطجية إللي أحتلوها ومحدش عارف يصد قدامهم.. او محدش عايز يصدهم.. مهو مبقاش في حاجة مفهومة في البلد دي..
حد هيقولي البلطجية دول صناعة جهاز الشرطة.. وحاليا بيلعبوا ناشئين تحت السن في فريق القوات المسلحة.. طيب يعني كدة هنسكت ونسيبهم عشان بيلعبوا بفانلة العسكري.. طيب ما بالأولي نحشد المصريين عشان يحاربوا الغزاة في الداخل إللي بيشيعوا فساد وخوف وجريمة في 29 محافظة بدل ما نفكر في ميناء أو بقعة مع كامل احترامي لمصريتها لكن مش وقتها خالص.. في مثل واحد في بالي بيوصف حالنا دلوقتي لكن مش هينفع أكتبه..
للأسف وبكل حزن مع كل مليونية جديدة ومطالب من عينه أم الرشراش دي بحس أني بسمع هتاف واحد "طُز فيكي بقي يا مصر".. مطالب بتوريط مصر في حرب في الوقت الحالي وأحنا مش قادرين نحارب البلطجة وانهيار البورصة والفتنة الطائفية والجوع واختفاء البنزين وضياع السياحة وفقدان عشرات الآلاف لوظائفهم وغيرها وغيرها من الحروب الأكثر خطورة وأهمية.. وتحتاج لحشد المصريين لمحاربتها.. مش بتدل غير علي حاجة واحدة وهي أن التخلف وعدم القدرة علي تقييم الأمور وتحديد الأولويات وغيرها من الآفات هي من تحتل فكر شرائح كبيرة من الشعب المصري.. هل أصبحت أم الرشراش الآن أهم من رغيف العيش.. متى يتحرر الشعب المصري حقاً..!!!
ك. ك
18 – 11 - 2011
الحقيقة اسم زبالة بجد مهما كااااااان مش يبقى دة اسم لازم يكون عندنا احساس شوية اى حد يقرا العنوان دة لازم يتخنق ونفسة تتسد يكمل قراية وكدة عيب عيب قوووووووووى
ردحذفيا استاذ ايمي ادهم انا سعيدة جداااا بزيارتك للمدونة.. وأن كان الأسم صادم بالنسبة لك .. ففي حاجة اسمها نقرا الموضوع عشان نفهم العنوان جاي من اين..
ردحذفشكرا لزيارتك المدونة
فعلاً هل أصبحت أم الرشراش الآن أهم من رغيف العيش.. متى يتحرر الشعب المصري حقاً؟ ... رائعة
ردحذفشكرا يا جوكسا.. ادعي لمصر تتحرر بقي :)
ردحذفجامده جدا يا كارول
ردحذفشكرا جزيلا يا هاني لرأيك.. وشكرا لزيارتك المدونة
ردحذفللاسف ياكارولين اول مرة اختلف معاكي في المقال دا بجد انتي عارفة ان كل واحد لية دماغة اللي يفكر بيها اللي شايف ان الجهاد هو الاولي والافضل واللي شايف ان رغيف العيش هو الافضل واللي شايف ان الاصلاح من الداخل والخارج معا هو الطريق الصحيح للنجاه واللي شايف ان العسكري هو الحماية الحقيقية للدولة والخ الخ الخ ... كل واحد يفكر زي ما هو عاوز واللي عاوز يقترح اقتراح اهلا وسهلا بية لكن انتي كمتظاهرة في التحرير لكي الحق انك تمشي في الطريق اللي يعجبك اديلة حقة يقول ويعمل الي هو عاوزة والحكم في الاخر للشارع
ردحذفالمهم انك انتي تكوني مقتنعة باللي بتعملية انتي وخلاص مش مهم بقي الناس التانيةبيعملو اية
يا لودي مع كامل احترامي للي بيفكروا أن الجهاد أولي من رغيف العيش دول مع الأسف محتاجين إعادة تأهيل لأن إللي بيفكروا فيه ده دلوقتي هيغرق البلد كلها مش هيغرقهم هم بس.. يعني أيه حتة أرض او ميناء نرمي عشانه البلد كلها فى النار.. مين يقول أن ده كلام منطقي وعاقل.. خاصة في ظل ظروف بلد مبقاش ينفع نقول عليها بلد لأنها فقدت كل مظاهر المدنية ومظاهر الدولة.. لا حكومة ولا شرطة ولا اقتصاد ولا صحة ولا سياحة.. ازاى اطالب بلد منهارة كدة انها تحارب.. الحروب بتستنزف موارد الشعوب فازاى بلد مستنزفة تحارب.. مين عاقل يرضي لنفسه ولأهله حياة ضايعة كدة
ردحذفانا مقولتش اهم او مش اهم انا بتكلم اني لازم اديلة حريتة يتكلم زي ما هو عاوز وفي النهاية الاجماع هو اللي هيبين اية هو الاولي
ردحذفمش يمكن هو ينبهنا لحاجة مكانتش في بالنا